Yagona portalda «16 va undan katta yoshdagi nogironlarni protez-ortopediya mahsulotlari va reabilitatsiya texnik vositalari bilan ta'minlash talonini rasmiylashtirishda tibbiy xulosa olish uchun elektron ariza taqdim etish» yangi xizmati ishga tushirildi.

Ushbu xizmatdan Yagona portalda roʻyxatdan oʻtgan nogironlar va ularning qonuniy vakillari hisoblanmish barcha jismoniy shaxslar foydalanishlari mumkin.

O'zbekiston Respublikasi Moliya vazirligi huzuridagi byudjetdan tashqari Pensiya jamg'armasining Respublika tibbiy-ijtimoiy ekspertiza inspeksiyasining bosh «Tibbiy-mehnat ekspert kommisiya»lari foydalanuvchilar (nogironlar va ularning qonuniy vakillari)dan arizalarni qabul qiladilar va xizmatlarni roʻyxatdan oʻtkazadilar.

Nogironlarning tibbiy hujjatlari (tekshiruv akti va bosh.)da koʻrsatmalar bor boʻlgan taqdirda bosh, ixtisoslashgan, tumanlararo, tuman (shahar) «Tibbiy-mehnat ekspert kommisiya»larining javobgar xodimlari tomonidan oʻrnatilgan tartibda tibbiy xulosa rasmiylashtiriladi va bosh «Tibbiy-mehnat ekspert kommisiya»siga tibbiy xulosaning tayyor boʻlganligi toʻgʻrisida xabarnoma joʻnatiladi. Shuningdek, bosh «Tibbiy-mehnat ekspert kommisiya»sining javobgar xodimi arizachining tibbiy xulosasi tayyor boʻlganligi toʻgʻrisidagi xabarnomani uning elektron manziliga joʻnatadi.

Yangi xizmatlarni taklif eting, ovoz bering va Yagona portal yangiliklaridan xabardor boʻling!

Source: Yagona interaktiv davlat xizmatlari portali