Viloyatning mavjud resurslari va ishlab chiqarish salohiyatidan kompleks va samarali foydalanishni ta'minlash, ichki va tashqi bozorlarda raqobatbardoshli yuqori qo'shilgan qiymatli tayyor mahsulotlar ishlab chiqaruvchi yuqori texnologiyali korxonalarni tashkil etish orqali sanoat mahsulotlari ishlab chiqarishning barqaror o'sishi uchun qulay sharoitlar yaratish;oziq-ovqat sanoatida, jumladan meva-sabzavot, qandolatchilik va go'sht-sut sanoatida, tegishli ravishda ularning rivojlanishini ta'minlash uchun zarur xom ashyo va ozuqa bazasini kengaytirish orqali yangi zamonaviy qayta ishlash korxonalarini tashkil etish; birinchi navbatda xom ashyoni chuqur qayta ishlashga ixtisoslashtirilgan zamonaviy to'qimachilik, jumladan tayyor tikuv-trikotaj va paypoq mahsulotlari hamda charm-poyabzal mahsulotlari ishlab chiqaruvchi korxonalarni rivojlantirish; keng turdagi raqobatbardoshli elektrotexnika sanoati va farmatsevtika mahsulotlari ishlab chiqaruvchi korxonalarni jadal rivojlantirish; qurilish materiallari sanoatida, birinchi navbatda, mahalliy xom ashyo negizida zamonaviy devorbop, pardozlash va boshqa turdagi energiyani tejovchi mahsulotlarni ishlab chiqarishni tashkil etish; magistral avtomobil yo'llari bo'yida yo'lovchilarga xizmat ko'rsatuvchi zamonaviy servis ob'ektlarini barpo qilish, ularda ko'rsatilayotgan xizmatlar sifatini oshirish, viloyatda ekoturizm zonalarini, Sirdaryo va mavjud suv havzalari bo'yida aholining madaniy hordiq chiqarishi uchun zamonaviy dam olish maskanlarini tashkil etish.